Sehar Naseer 
زلزلہ زدہ علاقوں کے دورے کے دوران صدر رجب طیب ایردوان نے ضلع قہرامان ماراش میں زلزلہ زدگان کے لئے لگائے گئے خیموں کا جائزہ لیا اور متاثرین سے بات چیت کی ہے۔
صدر رجب طیب ایردوان، 6 فروری کو آنے والے اور 10 اضلاع کو متاثر کرنے والے 7.7 اور 7.6 کی شدت کے زلزلے کے بعد حالات کا موقع پر جائزہ لینے کے لئے، متاثرہ علاقے کے دورے پر ہیں۔
حکام سے جاری امدادی کاروائیوں کے بارے میں معلومات حاصل کرنے کے بعد انہوں نے خیموں میں مقیم زلزلہ زدگان کے ساتھ ملاقات کی ان کے ساتھ بات چیت کی اور انہیں تسلی دی۔
صدر ایردوان نے یہاں اپنے خطاب میں کہا ہے کہ ہم زلزلہ زدہ 10 اضلاع میں منہدم رہائشی عمارتوں کی جگہ اور ایک سال کے اندر اندر، زلزلہ پروف رہائشی عمارتیں تعمیر کریں گے۔
انہوں نے کہا ہے کہ خواہش مند زلزلہ زدگان انطالیہ، انطاکیہ اور مرسین میں ایگریمنٹ والے ہوٹلوں میں قیام کر سکتے ہیں ۔
صدر ایردوان نے کہا ہے کہ ہمارے شہری کسی قسم کی پریشانی میں مبتلا نہ ہوں۔ ہم انہیں بے گھر نہیں رہنے دیں گے۔ متاثرہ کنبوں کی مالی امدادی بھی کی جائے گی۔
قہرامان ماراش میں صورتحال کا جائزہ لینے کے بعد صدر ایردوان ضلع حطائے تشریف لے جائیں گے۔
