Jannat Malik 
بیلجیم کے شہر برسلز میں نیٹو کے ہیڈ کوارٹر میں منعقدہ یوکرین کے دفاعی رابطہ گروپ کے اجلاس کے افتتاحی موقع امریکی وزیر دفاع لائیڈ آسٹن نے ترکیہ میں آنے والے حالیہ زلزلے کا بھی ذکر کیا انہوں نے حالیہ زلزلے میں ہونے والے جانی اور مالی نقصان میں ترکیہ سے اظہار تعزیت کی اور کہا کہ امریکہ اپنے ترک اتحادیوں اور دوسروں کے ساتھ ضرورت مندوں تک امداد پہنچانے کے لیے فوری طور پر کام جاری رکھے گا۔
البانیہ اور شمالی مقدونیہ نے ترکیہ اور شام میں 6 فروری کو آنے والے زلزلوں کی وجہ سے ایک روزہ قومی سوگ منانے کا اعلان کیا ہے۔
البانیہ اور شمالی مقدونیہ کی حکومتوں کی جانب سے اعلان کردہ سوگ کے دائرہ کار میں ، دونوں ممالک میں سرکاری اداروں اور عوامی مقامات پر پرچم کو سرنگوں کردیا جائے گا۔
بیرون ممالک کے سفارتی نمائندوں نے بھی اپنے پرچم سرنگوں کر دئیے۔
البانیہ کے صدر بجرم بیگاج نے اپنے سوشل میڈیا اکاؤنٹ پر صدارتی عمارت کے سامنے سرنگوں البانیہ کے پرچم کی تصویر شیئر کرتے ہوئے کہا کہ وہ ترکیہ اور شام کی سرحد پر زلزلے سے متاثرہ خاندانوں کے ساتھ اظہار یکجہتی کرتے ہیں اور ان کے لیے دعاگو ہیں۔
ہم 29 نومبر 2019 کو البانیہ میں آنے والے زلزلے میں ترکیہ کی مدد کو کبھی فراموش نہیں کریں گے۔
شمالی مقدونیہ کی حکومت کی طرف سے جاری کردہ ایک بیان میں کہا گیا ہے کہ ان ہم ترکیہ اور شام میں آنے والے زلزلوں میں جاں بحق ہونے والوں کے لواحقین اور تمام ترک عوام سے تعزیت کا اظہار کرتے ہیں ۔ مقدونیہ کی جانب سے ترکیہ کو امداد کرنے کا سلسلہ جاری ہے
یورپی پارلیمنٹ (ای پی) کی جنرل اسمبلی کے افتتاحی اجلاس کے موقع پر ترکیہ اور شام میں قہرامان ماراش میں آنے والے زلزلوں میں جاں بحق ہونے والے افراد کے لیے ایک منٹ کی خاموشی اختیار کی گئی۔
ای پی صدر روبرٹا میٹسولا نے فرانس کے شہر اسٹراسبرگ میں منعقدہ جنرل اسمبلی کے افتتاحی اجلاس سے خطاب کرتے ہوئے کہا کہ گزشتہ ہفتے، ترکیہ اور شام میں زلزلوں سے بڑے پیمانے پر تباہ کاریاں ہوئی ہیں۔ اور ہم ترکیہ اور شام کے تمام متاثرہ افراد کے ساتھ اظہار یکجہتی کرتے ہیں ۔
