امریکہ اور روس کے درمیان مذاکرات کا دوسرا دور استنبول میں شروع ہو گیا ہے۔ امریکی محکمہ خارجہ کی ترجمان ٹیمی بروس نے کہا کہ وفود استنبول میں مذاکرات کے دوسرے دور کے لیے ملیں گے تا کہ اپنے دو طرفہ مشنز کے آپریشنز کو مزید مستحکم بنانے کی کوششوں پر بات چیت کی جا سکے۔
انہوں نے اس بات پر زور دیا کہ "ایجنڈے میں کوئی سیاسی یا سلامتی کا مسئلہ نہیں ہے”، یوکرین سے متعلق معاملات ایجنڈے میں بالکل نہیں ہیں۔
یہ ملاقات استنبول میں روسی قونصل جنرل کی رہائش گاہ پر ہو رہی ہے۔
روسی وفد کی قیادت امریکہ میں روس کے سفیر الیگزینڈر ڈارچیف کر رہے ہیں جبکہ امریکی وفد کی قیادت نائب معاون وزیر سوناٹا کولٹر کریں گی۔
اس ملاقات سے قبل ڈارچیف نے اعلان کیا کہ کئی معاملات پر پہلے ہی کچھ پیش رفت ہو چکی ہے۔
