ترکیہ میں پاکستان کے سفیر ڈاکٹر یوسف جنید کی ترکیہ کے وزیر برائے قومی دفاع یاشار گولر سے ملاقات ہوئی۔ اس ملاقات میں پاکستان اور ترکیہ کے درمیان دفاعی اور اسٹریٹجیک تعاون کے مثبت رجحان پر اطمینان کا اظہار کیا گیا۔
دونوں ممالک کے درمیان موجودہ دفاعی شراکت داری کا جائزہ لیا گیا۔ اور مستقبل میں باہمی تعاون کو مزید وسعت دینے کے امکانات پر تبادلہ خیال کیا گیا۔
اس کے علاوہ اس ملاقات میں علاقائی سلامتی کے چیلنجز اور مشترکہ مفادات پر بھی غور کیا گیا۔
پاکستان اور ترکیہ کے درمیان دفاعی شعبے میں تعاون طویل عرصے سے جاری ہے۔ دونوں ممالک جنگی طیاروں، بحریہ اور فوجی تربیت کے شعبوں میں باہمی تعاون کرتے رہے ہیں۔
