وزیراعلیٰ پنجاب مریم نوازشریف ترک خاتون اوّل امینہ ایردوان کی خصوصی دعوت پر ڈپلومیسی فورم کی تقریب میں شرکت کیلئے ترکیہ کا دورہ کریں گی۔ وزیراعلیٰ مریم نوازشریف ڈپلومیسی فورم سے خصوصی خطاب بھی کریں گی۔
ترک خاتون اوّل امینہ ایردوان نے وزیراعلیٰ پنجاب کو دعوت نامہ بھیجا جس میں انہوں نے کہا کہ مجھے کانفرنس میں آپ کی شرکت سے بے حد خوشی ہوگی، امید ہے کہ آپ میزبانی کا شرف ضرور دیں گی۔
ڈپلومیسی فورم میں دنیا بھر سے سربراہان مملکت، ممتاز سفارتکاروں، رائے عامہ کے لیڈرز اور دیگر شخصیات شریک ہوں گی۔ اس کانفرنس کا عنوان “منقسم دنیا میں سفارتی روابط کی بحالی” ہے۔
وزیراعلیٰ مریم نوازشریف “منقسم دنیا میں مستقبل کی تشکیل” اور “علم سے تبدیلی کی طاقت” کے عنوان سے خطاب کریں گی اور اے ڈی ایف لیڈرز پینلز میں شرکت کریں گی۔
