اقوام متحدہ نے اوزون کی سطح کی اہمیت کے بارے میں شعور پیدا کرنے کے لیے ایک ویڈیو گیم لانچ کر دی۔
گیم کا نام ری سیٹ ارتھ رکھا گیا ہے ۔
اس گیم کا نام اینیمیٹڈ فلم پر مبنی ہے جس کا پریمیر گذشتہ ماہ عالمی یوم تعلیم کے موقع پر ہوا تھا ۔
اینیمیٹڈ فلم کو تین ہفتوں سے بھی کم عرصے میں 83 ہزار 8 سو سے بھی زیادہ مرتبہ دیکھا گیا ہے۔
یہ گیم اینڈروئڈ اور آئی فون دونوں پر ڈاون لوڈ کی جا سکتی ہے۔
اس گیم میں کھلاڑی ٹائم ٹریول ایڈونچر سے لطف اندوز ہونگے جس میں وہ وقت میں پیچھے جا کر اوزون لیر کے ختم ہونے کی وجہ ڈھونڈیں گے اور دنیا کو بچائیں گے۔
اقوام متحدہ اوزون کی سطح پر مبنی گیم اور فلم کے ذریعے ماحول کو محفوظ رکھنے سے متعلق لوگوں کے اندر شعور پیدا کرنے کی کوشش کر رہی ہے۔
