اسرائیل کے وزیر اعظم بنجمن نتن یاہو نے کہا ہے کہ متحدہ عرب امارات کے ولی عہد محمد بن زید النیہان نے رضاکارانہ طور پر اسرائیل میں ایک کروڑ 20 لاکھ ڈالر کی ذاتی سرمایہ کاری کا فیصلہ کیا ہے۔
اسرائیلی آرمی ریڈیو کو انٹرویو دیتے ہوئے بنجمن نتن یاہو نے کہا کہ ابوظہبی کے ولی عہد نے کورونا وائرس کی عالمی وبا کے باعث اسرائیلی معیشت کو کساد بازادی سے نکالنے کے لئے کئی بڑے منصوبوں میں زاتی سرمایہ کاری کا اعلان کیا ہے۔
اسرائیلی وزیراعظم کے اس بیان پر ابھی تک متحدہ عرب امارات کی طرف سے کوئی ردعمل نہیں آیا ہے۔
واضح رہے کہ اسرائیلی وزیراعظم نے گذشتہ ہفتے متحدہ عرب امارات کے سرکاری دورے پر دبئی پہنچنا تھا لیکن اردن نے اپنی فضائی حدود استعمال کرنے سے انکار کر دیا جس کے باعث بنجمن نتین یاہو کو اپنا دورہ منسوخ کرنا پڑا۔
اس دورے میں متحدہ عرب امارات اور اسرائیل کے درمیان 10 ارب ڈالر کے ایک سرمایہ کاری فنڈ کے معاہدے پر دستخط بھی ہونا تھے۔ یہ فنڈ اسرائیل میں سرمایہ کاری کے لئے استعمال کیا جائے گا۔
اسرائیل اور متحدہ عرب امارات کے درمیان تعلقات کو قائم ہوئے ابھی صرف چار ماہ ہی ہوئے ہیں لیکن دونوں ملکوں کے درمیان تجارت 30 کروڑ ڈالر تک پہنچ چکی ہے۔
