ترکیہ کی وزارت خارجہ نے انقرہ میں ڈنمارک کے سفیر کو اسلام کی مقدس کتاب قرآن مجید کی بے حرمتی کے ایک اور واقعے پر وزارت میں طلب کرلیا۔
یہ اقدام ڈنمارک کے دارالحکومت کوپن ہیگن میں رواں ہفتے مسلسل چوتھے روز قرآن مجید کو نذر آتش کرنے کے بعد سامنے آیا ہے۔
ترکیہ نے قرآن کی بے حرمتی کی وجہ سے اس مہینے میں اب تک پانچ بار ڈنمارک کے سفیر کو طلب کیا ہے۔
شمالی یورپ میں اسلاموفوبک شخصیات اور گروہوں نے حالیہ مہینوں میں مسلمانوں کی مقدس کتاب کی بے حرمتی کے لیے بارہا قرآن مجید کو نذر آتش کرنے اور اسی طرح کی کوششیں کی ہیں، جس سے مسلم ممالک اور باقی دنیا میں غم و غصہ پایا جاتا ہے۔
