ترکیہ اور پاکستان نے جنوبی ایشیاء کے 40 ملکی بلاک میں آف شور تیل اور گیس کی تلاش کے لیے مشترکہ ٹینڈر کے معاہدے پر دستخط کر دیئے ہیں۔
یہ معاہدہ اسلام آباد میں منعقدہ "2025 پاکستان معدنیاتی سرمایہ کاری فورم” کے موقع پرطے پایا، جس میں تین سو زائد ممالک شرکت کر رہے ہیں۔
اس موقع پر ترک پیٹرولیم کارپوریشن اور پاکستان کی تیل اور گیس کی سرکاری کمپنیوں کے درمیان مفاہمتی یادداشت پر دستخط بھی ہوئے۔
ترک وزیر توانائی و قدرتی وسائل الپرسلان بائیرقطار نے نو رکنی وفد کے ہمراہ پاکستان منرلز انویسٹمنٹ سمٹ میں شرکت کی۔
اس موقع پر انہوں نے وزیر اعظم پاکستان شہباز شریف سے ملاقا ت کی۔وزیراعظم نے ترک وزیر توانائی اور اعلیٰ سطحی وفد کا پاکستان منرلز انویسٹمنٹ سمٹ میں شرکت پر شکریہ ادا کیا اور کہا کہ دونوں ممالک کے معاشی تعلقات کو نئی وسعت دینے کے کثیر مواقع موجود ہیں۔
ترک وزیر کی آرمی چیف جنرل عاصم منیر سے بھی ملاقات ہوئی۔ اس ملاقات میں دونوں ممالک کے درمیان تعلقات کو مزید وسعت دینے پر غور کیا گیا۔
ترک وزیر نے کہا کہ پاکستان قدرتی وسائل کی دولت سے مالا مال ہے۔ ترکیہ پاکستان میں معدنیات کی دریافت میں اپنا کردار ادا کرے گا۔
اس سمٹ میں ترک وزیر نے وزیراعظم شہباز شریف اور آرمی چیف جنرل عاصم منیر کے ہمراہ مختلف اسٹالز کا دورہ بھی کیا جہاں انہیں نادر معدنیات اور ان کی دریافت کے حوالے سے تفصیلی بریفنگ دی گئی۔
