ترکی کی چائے کی سرکاری کمپنی ٹی انٹرپرائزز ڈائریکٹوریٹ نے کہا ہے کہ آئندہ ماہ امریکہ کو سبز چائے کا پاوٗڈر برآمد کیا جائے گا۔
ابتدائی طور پر گرین ٹی پاوٗڈر کے 10 ہزار باکسز امریکہ کو برآمد کئے جائیں گے۔ ڈیمانڈ آنے پر مزید چائے بھی ایکسپورٹ کی جائے گی۔
ٹی انٹرپرائزز ڈائریکٹوریٹ کے چیئرمین یوسف ضیا عالم نے کہا ہے کہ گرین ٹی پاوٗڈر کا کاروبار 2019 میں شروع کیا گیا تھا اور پہلے سال چار ٹن چائے برآمد کی۔ 2020 میں ساڑھے چھ ٹن گرین ٹی پاوٗڈر ایکسپورٹ کیا تھا۔
کمپنی پاوٗڈر باکسز کو مزید پُرکشش بنا رہی ہے تاکہ زیادہ سے زیادہ گاہکوں کی توجہ حاصل کی جا سکے۔
ضیا عالم نے کہا کہ رواں سال کے پہلے ماہ جنوری میں 17 ہزار ٹن گرین ٹی پاوٗڈر مقامی اور عالمی مارکیٹ میں فروخت کیا گیا۔ گذشتہ سال ایک لاکھ 32 ہزار ٹن پروسیسڈ ٹی فروخت کی گئی تھی۔ اس سال توقع ہے کہ ایک لاکھ 35 ہزار ٹن پروسیسڈ ٹی فروخت کرنے کا ہدف مقرر کیا گیا ہے۔
