وزیر خارجہ پاکستان بلاول بھٹو زرداری نے 2022 میں بحیرہ اسود کے اناج راہداری کے تاریخی معاہدے کے حصول میں ترکیہ کے کردار کی تعریف کی ہے جس سے عالمی سطح پر اشیائے خوردونوش کی قیمتوں کو مستحکم کرنے خصوصاً ترقی پذیر ممالک اور غریب ترین طبقے کے لیے اہم کردار ادا کیا ہے۔
اپنے ایک ٹویٹ میں وزیر خارجہ پاکستان کا کہنا تھا کہ میں نےآج ترکیہ کے وزیر خارجہ اور میرے بھائی حاکان فیدان سے فون پر بات کی ہے۔
انہوں نے 2022 میں بحیرہ اسود کے اناج راہداری کے تاریخی معاہدے کے حصول میں ترکیہ کے کردار کی تعریف کی جس نے خاص طور پر ترقی پذیر ممالک اور غریب ترین لوگوں کے لیےعالمی اشیائے خوردونوش کی قیمتوں کو مستحکم کرنے میں اہم کردار ادا کیا ہے۔
انہوں نے معاہدے کو بحال کرنے کے لیے بین الاقوامی کوششوں کے لیے پاکستان کی مکمل حمایت کا اعلان کیا۔
وزیر خارجہ بلاول بھٹو زرداری نے یورپ کے متعدد شہروں میں قرآن پاک کی بے حرمتی کی کارروائیوں کی بھی شدید مذمت کی اور ایسے واقعات کی روک تھام کے لیے ترکیہ اور دیگر اسلامی ریاستوں کے ساتھ مل کر کام کرنے کے عزم کا اظہار بھی کیا۔
