یونان کے ساتھ مشرقی بحیرہ روم کے معاملات پر جاری کشیدگی پر بات چیت کی۔ ملاقات میں خطے کی صورتحال اور امن و امان کے حوالے سے دونوں رہنماوٗں نے تبادلہ خیال بھی کیا۔
نیٹو کے ملٹری کمیٹی کے سربراہ جنرل اسٹیوارٹ پیچ خصوصی طور پر انقرہ آئے اور ترک وزیر دفاع ہلوسی آکار سے ملاقات کی۔
ترکی اور یونان کے درمیان مشرقی بحیرہ روم میں سمندری حدود کے تنازعے پر نیٹو کے دو رکن ممالک ایک دوسرے کے مقابل آ گئے ہیں۔ ایسے میں نیٹو کی ملٹری کمیٹی کے سربراہ کی انقرہ آمد اہم ہے۔
جنرل اسٹیوارٹ پیچ یہاں سے ایتھنز جائیں گے اور یونان کے اعلیٰ حکام سے ملاقاتیں کریں گے۔
نیٹو کی کوشش ہے کہ مشرقی بحیرہ روم کا تنازعہ جنگ کی صورت اختیار نہ کر جائے۔
