کورونا وائرس کی عالمی وبا کے باعث ترک آٹو انڈسٹری کی ایکسپورٹس متاثر ہوئی تھیں تاہم اب ترکی سے گاڑیوں کی برآمدات بڑھ رہی ہیں۔
ترکی کی آٹو انڈسٹری کی یونین کے مطابق ستمبر میں گاڑیوں کی برآمدات میں محض 0.5 فیصد اضافہ ہوا جس سے واضح ہوتا ہے کہ انڈسٹری دوبارہ معمول پر آنا شروع ہو گئی ہے۔
تاہم اگست کے مقابلے میں گاڑیوں کی ایکسپورٹ 68.7 فیصد بڑھ گئی ہے۔ اس ماہ ڈیڑھ ارب ڈالر سے زائد مالیت کی گاڑیاں برآمد کی گئیں۔
یورپین یونین ترکی میں تیار ہونے والی گاڑیوں کی سب سے بڑی ایکسپورٹ مارکیٹ ہے۔ جرمنی نے 33 کروڑ ڈالر سے زائد مالیت کی گاڑیاں ترکی سے امپورٹ کیں۔ فرانس، برطانیہ، اٹلی، اسپین، پولینڈ، سلووینیا، بیلجیم، امریکہ اور رومانیہ بھی ترکی میں تیار ہونے والی گاڑیوں کے بڑے خریدار ہیں۔
