تُرکی اور ایران کی فوج نے عراق کے شمالی مشرقی اور شمالی علاقوں میں کرد دہشت گردوں کے خلاف مشترکہ آپریشن کیا جس کا نام شیر کا پنجہ رکھا گیا ہے۔ تُرک وزارت دفاع نے فضائیہ کی طرف سے کُردِش ورکرز پارٹی کے خلاف کئے گئے آپریشن کی تصاویر جاری کر دی ہیں۔ تُرک وزیر دفاع خلوصی آقار نے اس آپریشن کی نگرانی کی۔
تُرک وزارت دفاع نے تصدیق کی ہے کہ جنگی جہازوں نے شمالی عراق کے علاقے افتانین میں دہشت گردوں کے ٹھکانے تباہ کر دیئے ہیں۔ تُرکی ماضی میں بھی عراق اور شام میں کُرد دہشت گردوں کے خلاف کئی ملٹری آپریشنز کر چکا ہے۔ کُردش ورکرز پارٹی پچھلی کئی دہائیوں سے تُرک فوج اور تُرک عوام پر کئی دہشت گرد حملے کر چکی ہے جس میں اب تک 40 ہزار سے زائد افراد جاں بحق ہو چکے ہیں۔
