ترک ریسکیو ٹیم نے امریکی سیاح کو خطرناک جنگل سے بحفاظت نکال لیا

ترکی کی ریسرچ اینڈ ریسکیو ایسوسی ایشن نے آج علی الصبح گھنے جنگل سے ایک امریکی سیاح کو بحفاظت باہر نکال لیا۔

27 سالہ امریکی سیاح میڈیسن جیک رولینڈ مارمریس ضلع کے ایک ہوٹل میں قیام پذیر تھا۔ ہوٹل انتظامیہ نے پولیس کو اطلاع دی کہ جیک رولینڈ کافی دیر سے لاپتہ ہے اور ابھی تک ہوٹل واپس نہیں آیا۔ ریسکیو ٹیموں نے جنگل میں جیک رولینڈ کی تلاش شروع کی اور سات گھنٹے کی جدوجہد کے بعد گولینے کے علاقے میں جیک رولینڈ ایک پہاڑی پر مل گیا۔ اسے رسی کی مدد سے پہاڑی سے نیچے اتارا گیا۔ ریسکیو ٹیم کے مطابق جیک رولینڈ مکمل طور پر صحت یاب ہے اور اسے کسی طرح کی چوٹ نہیں آئی۔