امریکی کانگریس ریکارڈ میں ترکی کی جانب سے کورونا وائرس کا مقابلہ کرنے کےلیے دو خصوصی طیاروں کے ذریعے امدانی سامان فراہم کرنے کو تسلیم کیا گیا۔
جمعرات کو ، امریکہ – ترکی تعلقات اور ترکش امریکی شہریوں کے کاککس کے شریک صدر اور کانگریس ممبر جو ولسن نے کہا ، “میں کورونا وائرس کے دوران امداد فراہم کرنے کے لئے اپنے اتحادیوں میں سے ایک کی کوششوں کو تسلیم کرتا ہوں۔”
جنوبی کیرولائنا کے ریپبلیکن نمائندہ نے کہا اس نوعیت کا تعاون ہمیں اس وبائی مرض سے موثر انداز میں نمٹنے کے لئے ہر سطح پر کرنے کی ضرورت ہے۔
ولسن نے کہا کہ وہ اس وباء کے دوران امریکہ اور ترکی کی حکومتوں کو مل کر کام کرتے ہوئے دیکھ کر خوش ہیں۔
انہوں نے کہا ترکی نے دنیا کے 50 سے زیادہ ممالک میں طبی سامان کی فراہمی کی ہے اور میں ان کی اس فیاضی پر تعریف کرتا ہوں۔
اپریل کے آخر میں ، پہلی کھیپ میں 500،000 سرجیکل ماسک ، 4،000 حفاظتی کٹس ، 2،000 لیٹر جراثیم کُش ، 1500 چشمیں ، 400 N-95 ماسک ، اور 500 چہرے کے لیے شلیڈز شامل تھیں۔ مئی کے شروع میں ایک اور فوجی کارگو طیارے میں طبی سامان کی دوسری کھیپ تھی۔
ترکی نے کم سے کم 57 ممالک کی مدد کی ہے ، جن میں اٹلی ، اسپین اور برطانیہ شامل ہیں ، اور وبائی مرض کے دوران امداد فراہم کرنے والا دنیا کا تیسرا ملک ہے۔
ولسن نے مزید کہا ، یہ ہمارے مشترکہ مفادات میں ہے کہ ہم مل کر کام کرنے کے راستے تلاش کرنا جاری رکھیں۔
جان ہاپکنز یونیورسٹی کے مطابق ، اس وبائی مرض سے امریکہ میں قریبا 110،000 افراد ہلاک ہوچکے ہیں جبکہ مریضوں کی تعداد 1.8 ملین سے تجاوز کرچکی ہے۔
