fbpx

ترکی کی اپوزیشن جماعت کی سابق نائب سربراہ کو 20 سال قید کی سزا

ترکی کی ایک عدالت نے حزب اختلاف کی سیاسی جماعت پیپلز ڈیموکریٹک پارٹی کی سابق نائب سربراہ لیلیٰ گوون کو 20 سال قید کی سزا کا حکم سنایا ہے۔

لیلیٰ گوون پر الزام ہے کہ وہ ایک مسلح دہشت گرد تنظیم کی رکن رہیں اور کئی بار اس تنظیم کے لئے مہم بھی چلائی۔

ترکی کے جنوب مشرقی صوبے دیارباکر کی عدالت نے لیلیٰ گوون کو سزا کا حکم سناتے ہوئے پولیس کو انہیں گرفتار کرنے کا بھی حکم جاری کیا۔

ترک پارلیمنٹ نے اس سال جون میں لیلیٰ گوون کی رکنیت ختم کر دی تھی۔

اس سے پہلے ایک صوبائی عدالت نے لیلیٰ گوون کو چھ سال تین ماہ کی قید کا حکم سنایا تھا اور انہیں جیل بھیج دیا تھا جس کے بعد پارلیمنٹ نے اس کی رکنیت ختم کر دی تھی۔

ایک دوسری عدالت نے لیلیٰ گوون کو رہا کر دیا تھا تاہم اب دیارباکر کی بڑی عدالت نے 20 سال قید کی سزا کا حکم جاری کیا ہے۔

واضح رہے پیپلز ڈیموکریٹک پارٹی کے کرد دہشت گرد تنظیم پی کے کے سے قریبی تعلقات ہیں اور دونوں جماعتیں ایک دوسرے کی حمایت کرتی ہیں۔

ozIstanbul

پچھلا پڑھیں

ترکی: 2020 میں آن لائن تجارت کا حجم 250 ارب ترکش لیرا ہو جائے گی

اگلا پڑھیں

ترکی:سرد یوں میں بھوت گاوں سیاحوں کی توجہ کا مرکز

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے