ترکی میں 80 گھنٹے طویل کرفیو آج صبح پانچ بجے ختم ہو گیا جس کے بعد کاروبار زندگی معمول پر لوٹ آئی۔
کورونا وائرس کی عالمی وبا کو کنٹرول کرنے کے لئے حکومت نے ملک بھر میں جمعرات کی رات 9 بجے کرفیو نافذ کیا تھا۔
کرفیو کی ایک وجہ لوگوں کو سالِ نو کی تقریبات سے روکنا بھی تھا کیونکہ ہوٹلوں اور کیفیز میں سالِ نو کی تقریبات کے باعث وائرس کے پھیلنے کا خدشہ تھا۔
صدر رجب طیب ایردوان نے کہا ہے کہ ہفتے کے اختتام پر کرفیو کی پابندی فی الحال جاری رہے گی کیونکہ ترکی میں ابھی بھی کورونا وائرس کے کسیز کی تعداد مسلسل بڑھ رہی ہے۔
ترکی میں اب تک کورونا کیسز کی تعداد 22 لاکھ سے تجاوز کر گئی ہے جبکہ 21 ہزار 500 افراد اب تک وائرس سے جاں بحق ہو چکے ہیں۔
Tags: ترکی میں کورونا وائرس