ترکی کی پاکستان میں دہشت گردی کے حملے پر اظہار تعزیت

ترکی نے بلوچستان میں دہشتگردی کے حملے اور گلگت بلتستان میں ہیلی کاپٹر کے حادثے میں انسانی جانوں کے ضیائع پر پاکستان سے اظہارِ تعزیت کی۔

ترکی وزارت خارجہ کی طرف سے جاری کئے گئے تحریری بیان میں کہا گیا ہے کہ بلوچستان میں دہشت گردی کے حملے اور گلگت بلتستان میں ہیلی کاپٹر حادثے میں پاکستان مسلح افواج کے 11 اہلکاروں کی شہادت پر ہمیں دلی افسوس ہے۔

بیان میں مزید کہا گیا ہے کہ” ہم، بلوچستان میں دہشت گردی کے حملے کی مذمت کرتےہیں۔ حملے اور ہیلی کاپٹر کے حادثے میں وفات پانے والوں کے لئے اللہ سے رحمت و مغفرت اور زخمیوں کےلئے فوری صحتیابی کے خواہش مند  ہیں۔ ہم پاکستان کے برادر عوام اور حکومت سے اظہارِ تعزیت کرتے ہیں”۔