ترکی کی پاکستان میں فوجی قافلے پر حملے کی شدید مذمت

ترکی نے پاکستان کی فوج کے ایک قافلے پر دہشت گرد حملے کی شدید مذمت کی ہے۔ ترک وزارت خارجہ کے ترجمان حامی اکسوئے نے کہا ہے کہ پاکستان کے خیبر پختون خوا صوبے میں شمالی وزیرستان کے قبائلی علاقے میں ایک فوجی قافلے پر حملہ انتہائی افسوسناک واقعہ ہے۔ ترکی پاکستانی فوج کے ایک افسر سمیت چھ فوجی اہلکاروں کی شہادت پر افسردہ ہے۔

ترکی اس حملے کی شدید مذمت کرتا ہے اور دعا کرتا ہے کہ اللہ شہیدوں پر رحم فرمائے اور سوگوار خاندان کو یہ سانحہ برداشت کرنے کی ہمت دے۔

انہوں نے کہا کہ دونوں ملک ایک دوسرے کے بھائی ہیں اور دکھ اور خوشی کے لمحات میں ایک دوسرے کے ساتھ کھڑے ہیں۔

واضح رہے کہ جمعرات کو پاکستان کے شمالی وزیرستان میں ایک فوجی قافلے پر دہشت گرد حملے میں کیٹن سمیت چھ فوجی اہلکار شہید ہو گئے تھے۔