اس سال کرسمس پر امریکہ افغانستان سے 2500 فوجی واپس بلا لے گا

امریکی صدر ٹرمپ نے کہا ہے کہ اس سال کرسمس پر افغانستان سے 2500 فوجی وطن واپس پہنچ جائیں گے۔

اپنے ٹوئٹر پیغام میں صدر ٹرمپ نے کہا کہ امریکہ کے بہادر مرد اور خواتین فوجی محدود تعداد میں افغانستان میں رہیں گی۔

صدر ٹرمپ کا بیان نیشنل سیکیورٹی ایڈوائزر رابرٹ او برائن کے اس اعلان کے بعد آیا جس میں انہوں نے کہا تھا کہ 2021 کے اوائل میں امریکہ افغانستان میں اپنی فوج کی تعداد میں 2500 فوجیوں کی کمی کر دے گا۔

انہوں نے کہا جس وقت صدر ٹرمپ نے اقتدار سنبھالا تھا افغانستان میں 10 ہزار امریکی فوجی تھے جو اب کم ہو کر 5 ہزار رہ گئے ہیں۔

تاہم ان میں سے نصف اس سال کرسمس پر واپس آ جائیں گے۔ صدر ٹرمپ کئی بار اس بات کا دہرا چکے ہیں کہ جنگ زدہ ممالک سے امریکہ اپنی فوجیں واپس بلا لے گا۔

امریکی فوجیوں کی تعداد میں کمی کا فیصلہ طالبان اور امریکہ کے درمیان ہونے والے امن معاہدے کے بعد کیا گیا۔ اس وقت طالبان افغان حکومت کے ساتھ امن مذاکرات قطر کے دارالحکومت دوحا میں کر رہے ہیں۔

Read Previous

ترکی کے امام نے ثابت کردیا کہ انسانیت ابھی بھی زندہ ہے

Read Next

پاکستان کو ایک خود محتار ریاست اور مستقبل کی عالمی قوت بنانے کے خواہاں ہیں؛ عمران خان

Leave a Reply