
طالبان کے ساتھ مذاکرات میں افغان حکومت کے وفد کے سربراہ عبداللہ عبداللہ تین روزہ دورے پر پاکستان پہنچ گئے
وزیر خارجہ شاہ محمود قریشی اور عبداللہ عبداللہ کے درمیان اسلام آباد میں مذاکرات شروع ہو گئے ہیں
طالبان اور افغان حکومت کے درمیان قطر کے دارالحکومت دوہا میں مذاکرات جاری ہیں تاہم ان میں ابھی تک کوئی بریک تھرو نہیں آ سکا ہے۔
طالبان کا مطالبہ ہے کہ افغان حکومت کے ساتھ مذاکرات اس معاہدے کے تحت ہوں گے جو امریکہ اور طالبان کے درمیان طے پایا ہے۔
افغان حکومت کا موقف ہے کہ طالبان اور امریکہ کے درمیان ہونے والے مذاکرات اور معاہدے میں افغان حکومت شامل نہیں تھی اس لئے اس معاہدے کے تحت مذاکرات نہیں ہو سکتے۔
دونوں فریقین اپنے اپنے موقف اور مطالبے سے پیچھے ہٹنے کو بالکل تیار نہیں ہیں جس کے باعث مذاکرات میں دو ہفتے گزرنے کے بعد بھی کوئی بریک تھرو نہیں آیا