حالیہ زلزلے سے نہ صرف ترکیہ اور شام بلکہ پوری دنیا متاثر ہوئی ہے ،نیڈ پرائس

امریکہ وزارت خارجہ کے ترجمان نیڈ پرائس نے کہا ہے کہ زلزلے سے نہ  صرف ترکیہ اور شام متاثر ہوئے بلکہ  اس نے پوری دنیا کو متاثر کیا ہے

انہوں نے اپنی پریس کانفرنس میں ترکیہ زلزلے کے حوالے سے بات کرتے ہوئے کہا کہ زلزلے کے مناظر نے ہمیں شدید متاثر کیا ہے اور ہم ان افراد کی مدد کے لئے دن رات کام کر رہے ہیں۔

انہوں نے زلزلے کی تباہ کاریوں اور انسانی جانی نقصان کے حوالے سے کہا ہے کہ زلزلے نے ترکیہ اور شام کو ہی نہیں   بلکہ پوری دنیا کو متاثر کیا ہے۔ ہم نے ترکیہ اور شام میں امدادی کاموں کے ساتھ تعاون کے لئے اضافی سامان اور وسائل مختص کئے ہیں ۔  ہم اس مشکل حالات میں دن رات کا فرق کئے بغیر کام میں مصروف ریسکیو  ٹیموں کی محنت کو سراہتے ہیں

انہوں نے کہا ہے کہ ترکیہ سے بیرونی امداد کو امریکی  راستہ استعمال کرنے اور شام میں زلزلہ زدگان کو بین الاقوامی برادری کی امداد پہنچانے کے معاملے میں اقوام متحدہ کی سلامتی کونسل پر اخلاقی ذمہ داری عائد ہوتی ہے۔

انہوں نے مزید کہا کہ یہ سیاسی نہیں انسانی موضوع ہے۔ بیرونی ممالک سے جتنی زیادہ مدد علاقے میں پہنچے گی اتنی زیادہ زندگیاں بچیں گی۔ ہم دنیا بھر کے ممالک سے اپیل کرتے ہیں کہ ترک اور شامی عوام کی مدد کی خاطر جو بن پڑتا ہے کریں