ترکیہ میں زلزلے سے تاریخی ڈرامہ سیریل کورولوش عثمان کے اداکار چاغداش چانکیا اور انکی اہلیہ زیلان تگریس بھی جاں بحق ہو گئیں

ترکش ڈرامہ کورولش عثمان میں کردار ادا کرنے والے اداکار جاگدس جانکایا اور ان کی اہلیہ ترکیہ میں آنے والے بدترین زلزلے میں انتقال کرگئے۔

ترک سیریز کورولش عثمان کے آفیشل انسٹاگرام اکاؤنٹ سے اداکار اور ان کی اہلیہ کے انتقال کی خبر کی تصدیق کی گئی۔

اس کے علاوہ ترکیہ کی پروڈکشن کمپنی کی جانب سے بھی ترک اداکار کے انتقال کی تصدیق کی گئی۔

کمپنی کی جانب سے افسوس کا اظہار کرتے ہوئے لکھا گیا کہ کورولش عثمان سیریز میں کردار ادا کرنے والے اداکار جاگدس جانکایا اور ان کی اہلیہ زیلان تگرس ترکیہ میں آنے والے زلزلے میں دب کر جاں بحق ہوگئے ہیں۔

آنجہانی اداکار نے ترکش سیریز کورولش عثمان میں قونیا پیلس کے سپاہی کا اہم کردار ادا کیا تھا۔

واضح رہے کہ 6 فروری کو ترکیہ اور شام میں بدترین زلزلہ آیا تھا، اب تک زلزلے سے اموات کی تعداد 28 ہزار سے تجاوز کر گئی ہے۔