Sehar Naseer 
صدر رجب طیب ایردوان نے بتایا ہے کہ زلزلے سے ہلاک شدگان کی تعداد اب تک 35 ہزار4 سو 18 ہو چکی ہے ۔
صدر نے کابینہ اجلاس کے بعد قہر مانمراش اور دس دیگر اضلاع میں آنے والے اس ہولناک زلزلے کو عصر حاضر کی تباہی قرار دیا ۔
انہوں نے کہا کہ پوری دنیا کے ماہرین اس بات پر متفق ہیں کہ زلزلہ ایک تباہ کن قدرتی آفت ہو تی ہے، اب تک ترکیہ میں زلزلے سے ہلاک شدگان کی تعداد 35 ہزار 4 سو18 جبکہ 1 لاکھ 5 ہزار 5 سو 5 افراد زخمی ہو چکےہیں جن میں سے 13 ہزار 2 سو8 زیر علاج ہیں۔
صدر نے بتایا کہ 19 ہزار تباہ کن عمارتوں میں سے 15 ہزار کا ملبہ ہٹا دیا گیا ہے، متاثرہ علاقوں میں تقریباً ڈھائی لاکھ سرکاری رضا کار واہلکارامدادی کاروائیوں میں مشغول ہیں جو کہ ملبے سے آخری شہری کو نکلانے تک اسے جاری رکھیں گے۔
