
ترکی نے امریکہ کی کمپنی اسپیس ایکس کے ساتھ معاہدہ کیا ہے جس کے ذریعے ترکی اپنا چوتھا سیٹلائٹ اس سال کے آخر تک فضا میں بھیجے گا۔
پریذیڈنشئل ڈیجیٹل ٹرانسفورمیشن آفس کے سربراہ علی طحہ نے میڈیا کو بتایا کہ یہ سیٹلائٹ ایئر بس ڈیفنس اینڈ سپیس نے تیار کیا ہے۔
ترک سیٹ 5 اے نامی یہ سیٹلائٹ مشرق وسطیٰ، یورپ، شمالی افریقہ اور جنوبی افریقہ کا علاقہ کور کرے گا۔
یہ سیٹلائٹ 30 سال تک کرہ ارض کے گرد چکر لگائے گا۔ اس سیٹلائٹ میں 42 ٹرانس پونڈرز استعمال کئے گئے ہیں اور اسے ترکی کی مشرقی فضائی حدود میں 31 ڈگری پر جگہ ملی ہے۔
ترکی مقامی طور پر تیار کردہ ترک سیٹ 6 اے 2022 میں خلا میں بھیجے گا۔ ایئر بس ترک سیٹ 5 بی تیار کر رہی ہے جو آئندہ سال خلا میں چھوڑا جائے گا۔