ترکی میں سونے کی پیدوارا سال 2020 کے اختتام پر تاریخ کی بلند ترین سطح پر پہنچ گئی۔
توانائی اور قدرتی وسائل کے وزیر فاتح دونمیز نے گولڈ مائنرز ایسوسی ایشن کے نمائندوں سے ملاقات کرتے ہوئے کہا کہ توانائی اور کان کنی کے شعبے کے حوالے سے گذشتہ سال بڑے پیمانے پر کامیابیاں حاصل کی گئی ہیں۔
انہوں نے کہا کہ ترکی نے سن 2001 میں 1.4 ٹن سونے کی پیداوار کا آغاز کیا تھا اور بیس سال کے عرصے میں تقریباً 382 ٹن سونا پیدا کیا گیا ہے اور یہ پیداوارریاست کی جانب سے موصول کردہ ٹیکس کے 76 ٹن سونے کے برابر ہے۔
ترکی میں مقامی اور غیرملکی سطح پر سونے کی مجموعی طور پر 18 کانوں میں کام جاری ہے اور بیس نئی کانوں کے پراجیکٹ پر کام جاری ہے۔اور ان پراجیکٹس پر کام شروع کرنے سے سونے کی پیداوار 100 ٹن تک پہنچ جائے گی۔
فاتح دونمیز نے کہا کہ 2020 کے آغاز میں سونے کی پیداوار 40-45 ٹن کے درمیان ہونے کی توقع کی جا رہی تھی اور "نئی قسم کی کورونا وائرس (کوویڈ ۔19) کی وبا کے باوجود ، سال کے آخر میں ہمارے سونے کی پیداوار ترکی کی تاریخ میں ریکارڈ توڑ کر 42 ٹن تک پہنچ گئی۔ اس طرح ، ہم نے اپنی معیشت میں 2.4 بلین ڈالر کا اضافہ کیا ہے۔
