Sehar Naseer 
زلزلہ سے متاثرہ ترکیہ کے صوبے حطائے میں رضاکارانہ طور پر کام کرنے والے قطری ڈاکٹروں کا کہنا تھا کہ ہم زلزلہ متاثرین کی مدد اپنے خاندان کی طرح کر رہے ہیں۔
قطر کی مسلح افواج کی میڈیکل سروسز کے ماہر آرتھو پیڈیک محمد حمیس کا کہنا تھا کہ ہر مریض جسکا ہم علاج کرتے ہیں ہمیں ایسا لگتا ہے کہ گویا وہ ہمارے خاندان کا فرد ہے۔
قطر نے صوبے کے پیاس ضلع میں قائم کیے گئے فیلڈ ہسپتال میں مختلف خصوصیات کے حامل صحت کی دیکھ بھال کرنے والے پیشہ ور افراد کو روانہ کیا۔
42 رکنی طبی ٹیم 6 فروری کے تباہ کن زلزلوں کے ایک ہفتہ بعد 18 فروری سے کام کر رہی ہے۔
حطائے ترکیہ کے 11 جنوبی صوبوں میں سے ایک ہے جن میں قہرمانماراش، ادانا، غازینتپ، آدیامان، ملاطیا، دیار باقر، کلیس، عثمانیہ، سانلیورفا اور الازیگ کے ساتھ ساتھ زلزلے کی زد میں آئے ہیں، جن میں 45 ہزار سے زائد افراد ہلاک ہوئے ہیں۔
جھٹکے پڑوسی ملک شام میں بھی محسوس کیے گئے
قطری طبی ٹیم کے رکن ڈاکٹر حمیس نے کہا کہ وہ اب تک تقریباً 5 ہزار5 سو زلزلہ زدگان کا علاج کر چکے ہیں۔
حمیس نے کہا کہ قطری قوم ضرورت کی اس گھڑی میں برادرترکیہ کے ساتھ کھڑی ہے۔
قطر ہلال احمر نے اپنے ڈیزاسٹر رسپانس فنڈ سے زلزلے سے متاثرہ افراد کی فوری امداد کے لیے 1 ملین ڈالر مختص کیے ہیں۔
