صدر رجب طیب ایردوان کا کہنا ہے کہ ہم ترکی کو عالمی سطح کے پیدواری اور ٹیکنالوجی مرکز کی حیثیت دلانے میں پر عزم ہیں۔

صدر ایردوان نے میس ٹیکنالوجی سنٹر اور 40 فیکڑیوں کی افتتاحی تقریب سے خطاب کرتے ہوئے کہا کہ کورونا وبا کے باوجود ہم نے سرمایہ کاری کے عمل کو جاری رکھا ہے اور اس دورانیہ میں ترک فرموں نے معیاری مصنوعات اور کم نرخوں کے ساتھ با اعتماد مقام بنایا ہے۔
جناب ایردوان نے بتایا کہ انشااللہ دنیا بھر میں وبا کے اثرات کم ہونے اور حالات کے معمول پر آنے پر ترکی کی ترقی کی رفتار میں مزید تیزی آئے گی۔
ہم تین بر اعظموں پر واقع ترکی کو ٹیکنالوجی اور پیداروای مرکز کی حیثیت دلانے پر پر عزم ہیں۔ ہم نے نہ صرف برآمدات میں اضافہ کیا ہے بلکہ اس کے ساتھ ساتھ اس کی ماہیت میں بھی بتدیلی لائی ہے۔
انہوں نے مزید بتایا کہ آج ترکی قوت ِ خرید میں دنیا بھر میں 13 ویں نمبر پر ہے ۔ قدرتی گیس کے ذخائر کی تلاش اور بحیرہ روم میں جاری کام ہمارے صبر کوششوں اور یقین کا ثمر ہیں۔
صدر نے بتایا کہ ترکی زرعی اجناس کے میدان میں یورپ میں لیڈر کی حیثیت رکھتا ہے۔

Read Previous

قطر کی ثالثی میں اسرائیل اور حماس کے درمیان امن معاہدہ

Read Next

ترک سیاستدانوں کے اغوا کی منصوبہ بندی ناکام، داعش کا اہم کمانڈر گرفتار

Leave a Reply