Jannat Malik 
پاکستانی کرکٹر بابر اعظم اپنی کارکردگی سے ون ڈے اور ٹی 20 میں پہلی پوزیشن برقرار رکھے ہیں ۔ انٹرنیشنل کرکٹ کونسل(آئی سی سی) نے ٹی 20، ٹیسٹ میچ اور ون ڈے کرکٹ کی نئی رینکنگ جاری کر دی ہے ۔ قومی کرکٹ ٹیم کے کپتان بابر اعظم ون ڈے اور ٹی ٹوئنٹی میں بددستور پہلی پوزیشن برقرار رکھے ہیں جبکہ ٹیسٹ میچ میں چوتھی سے تیسری پوزیشن پر ہیں۔
ٹیسٹ میچ کی رینکنگ میں وکٹ کیپر محمد رضوان 17ویں جبکہ ٹی ٹوئنٹی رینکنگ میں محمد رضوان دوسرے نمبر سے تیسرے نمبر پر چلے گئے اور انڈیا کے سوریا کمار یادیو نے ان کی پوزیشن لے لی۔
دوسری جانب امام الحق کی رینکنگ میں بھی بہتری آئی ہے ٹیسٹ رینکنگ میں امام الحق 49ویں پوزیشن پر جبکہ ون ڈے میچ میں وہ دوسری پوزیشن پر ہیں۔
یاد رہے کہ پاکستان قومی ٹییم کے کپتان بابر اعظم کرکٹ کے تینوں فارمیٹ ون ڈے، ٹیسٹ میچ،اور ٹی ٹوئنٹی میں پہلی پوزیشن میں آنے والے دنیا کے پہلے کھلاڑی تھے۔
