Sehar Naseer 
پاکستان میں ترکیہ کے سفیر مہمت پچاجی کا کہنا ہے کہ پاکستانی یو ایس اے آر ٹیم جو ترکیہ زلزلے کی تباہی کےبعد تلاش اور بچاو کی کوششوں میں حصہ لینےکے لیے زلزلہ زدہ علاقوں میں جانے والی پہلی ٹیموں میں شامل تھی وہ اپنی سرگرمیاں مکمل کرنے کے بعد پاکستان پہنچ گئی ہے۔
انکا کہنا تھا کہ ہم اپنے پاکستانی بھائیوں کا شکریہ ادا کرنا چاہتے ہیں جنہوں نے اس مشکل وقت میں ہمارا ساتھ دیا اور اپنی جان خطرے میں ڈال کر ترک عوام کی بہادری سے مدد کی۔
ان خیالات کا اظہار ترک سفیر نے پاکستانی ریسکیو ٹیم کی ملک واپسی پر کیا جو ترکیہ میں زلزلہ متاثرین کی مدد کو گئے ہوئے تھے۔
ریسکیو ٹیم کی پاکستان واپسی پر ترک سفیر مہمت پچاجی ، وفاقی وزیر تعلیم رانا تنویر حسین اور سفارتخانے کے نمائندوں بالخصوص این ڈی ایم اے کے حکام نے ان کا استقبا ل کیا۔
