turky-urdu-logo

پاکستان: صوبہ بلوچستان میں پولیس وین کے قریب دھماکہ ، 9 اہلکار شہید 13 زخمی

پاکستان کے صوبہ بلوچستان کے ضلع بولان میں کنبڑی پُل کے قریب بلوچستان کانسٹیبلری کے ٹرک کے نزدیک خودکش دھماکا ہوا جس کے نتیجے میں 9 پولیس اہلکار شہید جبکہ 13 زخمی ہوگئے۔

کچھی کے ایس ایس پی  نے بتایا ہے کہ ضلع کچھی اور سبی بارڈر کے قریب بولان کے علاقے کنبڑی میں بلوچستان کانسٹیبلری پولیس وین کو نشانہ بنایا گیا۔

انہوں نے کہا کہ ابتدائی طور پر معلوم ہوا ہے کہ دھماکا موٹرسائیکل پر سوار خودکش حملہ آور نے کیا ہے جس کے نتیجے میں 9 پولیس اہلکار جاں بحق جبکہ 13 زخمی ہوئے، بم ڈسپوزل اور دیگر سیکیورٹی فورسز نے موقع پر پہنچ کر علاقے کو گھیرے میں لے لیا۔

بولان پولیس کا کہنا ہے کہ بلوچستان کانسٹیبلری کے اہلکار سبی میلے میں ڈیوٹی کرکے واپس آرہے تھے کہ راستے میں انہیں نشانہ بنایا گیا۔

دھماکے کی شدت اتنی زیادہ تھی کہ ٹرک الٹ گیا اور اہلکار اس کے نیچے دب گئے۔

واضح رہے کہ گزشتہ عرصے کے دوران صوبہ خیبر پختون خواہ اور بلوچستان میں دہشتگرد حملوں میں اضافہ ہو گیا ہے جس کی ذمے داری اسلام آبادافغانستان میں موجود تحریک طالبان پاکستان  پر ڈالتا ہے مگر کابل  طالبان انتظامیہ اسے مسترد کرتی ہے۔

Alkhidmat

Read Previous

پاکستانی یونیورسٹیوں کا ترکیہ میں زلزلہ ریلیف کے لیے 500 ملین سے زائد تعاون کا عزم

Read Next

ٹوکیو ترکیہ میں سب سے بڑے بیرونی  طبی مشن کی قیادت کررہا ہے، جاپانی وزارت خارجہ

Leave a Reply