ترک سیٹلائٹ کل امریکہ سے خلا میں چھوڑا جائے گا

ترکش کمیونیکیشن سیٹلائٹ 5A امریکہ کی اسپیس ایکس کمپنی کل خلا  میں بھیجے گی۔ اس سیٹلائٹ کو خلا میں بھیجنے کے لئے فالکن 9 راکٹ استعمال کیا جائے گا۔

یہ سیٹلائٹ آئندہ چار ماہ میں اپنے مدار میں گردش کرنا شروع کر دے گا اور اس سال جون میں اس کی سروسز شروع ہو جائیں گی۔

خلا میں ترکی کے مدار اور فریکوئنسی کے حقوق 30 سال کے دے دیئے گئے ہیں۔

یہ سیٹلائٹ ترکی اور امریکہ کی طیارہ ساز کمپنی بوئنگ نے مشترکہ طور پر تیار کیا ہے۔ اس سیٹلائٹ سے ترکی، مشرق وسطیٰ، یورپ اور افریقہ تک ٹی وی نشریات کو نشر کیا جا سکے گا۔

سیٹلائٹ میں 42 ٹرانسپورنڈرز نصب ہیں اور یہ ترکی کے مدار میں مشرق کی طرف 31 ڈگری پر رہے گا۔

ترکی اس سال اور 2022 میں مزید تین سیٹلائٹ خلا میں بھیجے گا جس سے خلائی سائنس میں ترکی کی اہمیت بڑھ جائے گی۔