Jannat Malik 
زلزلہ متاثرین کی مدد کے لیے اسلامی ممالک سمیت دنیا بھر سے ریسکیو ٹیمز ترکیہ میں امدادی سرگرمیاں سرانجام دینے کے بعد اپنے ملک واپس روانہ ہو رہی ہیں
ملائیشا کی ٹیم بھی سرکاری طور پر اپنی امدادی کارروائیاں مکمل کرنے کے بعد اپنے ملک واپس روانہ ہو گئی۔ ملائیشین ائیرپورٹ پر ترک سفیر امیر سلیم یوکسل سمیت مختلف وزرا، ملائیشین حکام اور ترک شہریوں نے ریسکیو ٹیم کا استقبال کیا۔
ملائیشیا کی 140 رکنی ریسکیو ٹیم نے غازی انتیپ کے زلزلہ متاثرین کی مدد کی تھی۔ انہوں نے سخت موسمیاتی مشکلات کے باوجود 5 افراد کو ملبے تلے سے زندہ نکالا ۔
ترک سفیر نے ریسکیو ٹیم سے ملاقات کی اور کہا کہ جس طرح آپ نے ترکیہ کی مدد کی ہے ہم آپ کے مشکور ہیں ۔
وزیر اعظم کے سیکرٹری جنرل نے ٹیم کا استقبال کیا اور کہا کہ ہم سب کو آپ پر فخر ہے۔ آپ نے مضبوط کوآرڈینیشن کے تحت بہت قیمتی جانیں بچائی ہیں انہوں نے کہا کہ ریسکیو ٹیم کو حکومت کی جانب سے میڈلز سے نوازا جائے گا۔
6 فروری کے زلزلے کے بعد ملائیشیا کی امداد دونوں ممالک کے درمیان تعاون اور دیرینہ دوستی کی طرف اشارہ کرتی ہے، انہوں نے کہا کہ وہ آنے والے دنوں میں ترکیہ کی امداد کا سلسلہ جاری رکھیں گے اور زلزلے سے متاثرہ افراد کی مدد کریں گے۔
