پانچ مہینے کے وقفے کے بعد سیاحوں کے لیے کیپاڈوکیا کے دروازے دوبارہ سے کھول دیے گئے جسے کورونا وائرس کے خطرے کے باعث مارچ میں بند کر دیا گا تھا۔
اے ایس بی آئی ڈی کے چیر مین توفیق الماز کا کہنا ہے کہ وہ کیپاڈوکیا کو دوبارہ کھولنے کے فیصلے سے بہت خوش ہیں حالانکہ کورونا وائرس کے خطرے اور اس سے احتیاط کے باعث حالات پہلے جیسے نہیں ہونگے مگر پھر بھی یہ بہتر حالات کی طرف پہلا قدم ہے۔
احتیاطی تدابیر کے مطابق ہر کمپنی ایک غبارے کا استعمال کرے گی جسے غباروں کی مجموعی تعداد صرف 27 ہوگی۔ کم تعداد کے باعث رش سے بچا جاسکے گا اور ایس او پیز کا خیال رکھا جائے گا۔
توفیق کا کہنا تھا کہ گرم غبارے میں کیپاڈوکیا کی سیر کرنے کےلیے سیاح بے صبری سے منتظر ہیں۔
کیپاڈوکیا کی ٹریول ایجینسی کے چیر مین کا کہنا ہے کہ کیپاڈوکیا کے کھلنے سے سیاحوں کی آمدورفت کی تعداد میں بھی بہتری آئے گی۔
انکا کہنا تھا کہ سیاحوں نے گرم غباروں پر پابندی کے باعث اپنی بکنکگ ختم کروا دی تھیں مگر اب اُمید ہے اس خبر کے بعد بکنگز کا سلسلہ دوبارہ شروع ہو جائے گا۔
