Sehar Naseer 
آذربائیجان کی تلاش اور امداد کی آخری ٹیم زلزلہ متاثرین کی مدد کے بعد اپنے ملک روانہ ہو گئیں۔
آذربائیجان کی ہنگامی صورتحال کی وزارت کی ٹیم کے صدر محرم حسنوف نے میڈیا سے بات کرتے ہوئے کہ کہ آذربائیجان کی ریاست اور آذربائیجان کے عوام ہمیشہ ترکیہ کے ساتھ ہیں۔
جیسا کہ ہمارے صدر الہام علی یوف نے کہا تھا کہ آذربائیجان کی ریاست زلزلے سے متاثر ہونے والے شہروں کی تعمیر میں ترک ریاست کی مدد کرئے گی ویسے ہی ہمارے عوام اپنے بھائیوں کے شانہ بشانہ کھڑے ہیں۔
حسنوف نے کہا کہ وہ زلزلے کے بعد فوری طور پر ترکیہ پہنچےاور جنوبی قہرمانماراش اور حطائے میں 760 اہلکاروں کے ساتھ تلاش اور بچاؤ کے کاموں میں حصہ لیا۔
اس عمل کے دوران، حسنوف نے کہا کہ وہ ملبے کے نیچے سے 53 افراد کو نکالنے میں کامیاب ہوئے۔
انہوں نے آذربائیجانی ٹیم کے ساتھ تعاون پر ترک عوام کا شکریہ ادا کیا۔
حکام کے مطابق، 6 فروری کو آنے والے زلزلے سے ترکیہ میں 46 ہزار سے افراد ہلاک ہو چکے ہیں۔
7.7 اور 7.6 شدت کے زلزلوں نے، جس کا مرکز قہرمانماراش میں تھا، 11 صوبوں کو ہلا کر رکھ دیا، جن میں ادانا، آدیامان، دیار باقر، غازینتپ، حطائے، کلیس، ملاطیا، عثمانیہ، ایلازیگ اور سانلیورفا شامل ہیں۔
ترکیہ میں تقریباً 1 کروڑ 30 لاکھ افراد زلزلے سے متاثر ہوئے ہیں اور ساتھ ہی شمال مغربی شام میں بھی بہت سے لوگ زلزلے سے متاثر ہوئے ہیں۔
