Sehar Naseer 
وزیر خارجہ میلوت چاوش اوغلو نے کہا ہے کہ زلزلے کے بعد سےمختلف امور میں مددگار تمام خواتین اور خاص طور پر خواتین شہداء کو نذرانہ عقیدت پیش کرتے ہوئے ان تمام خواتین کا شکر گزار ہوں۔
وزیر خارجہ چاوش اوغلو نے ان خیالات کا اظہار 8 مارچ خواتین کے عالمی دن کے موقع پر پیغام جاری کرتے ہوئے کیا۔
انہوں نے تمام خواتین کو عالمی یوم خواتین پر مبارکباد پیش کرتے ہوئے کہا کہ ہمارے ملک میں زلزلے کی تباہی نے ایک بار پھر ظاہر کیا کہ ہماری خواتین اپنی محنت ومشقت اور صبر و تحمل سے مشکل حالات میں قابو پانے کی صلاحیت رکھتی ہیں اور انہوں نے زلزلے کے زخموں کو مندمل کرنے میں بڑا نمایا ں کردار ادا کیا ہے۔
انہوں نے کہا کہ ملک میں خواتین اپنے خلاف امتیازی سلوک اور تشدد کو روکنے کے لیے اور اس بات کو یقینی بنانے کے لیے کہ خواتین سماجی زندگی کے تمام پہلوؤں میں موثر انداز میں کام کر رہی ہیں۔
اقوام متحدہ کے انسانی حقوق کے عالمی اعلامیہ کو اپنانے کی 75 ویں سالگرہ کے بارے میں بات کرتے ہوئے چاوش اوغلو نے کہا کہ معاشرے کے تمام شعبوں میں خواتین کے مقام کو مستحکم کرنے کے لیے بین الاقوامی اور علاقائی تنظیموں کی جانب سے کی جانے والی سرگرمیوں میں ترکیہ کا فعال تعاون جاری ہے۔
وزیر خارجہ چاوش اوغلو نے کہا کہ میں ایک بار پھر 8 مارچ یومِ نسواں کے موقع پر زلزلے کے بعد سےمختلف امور میں مددگار تمام خواتین اور خاص طور پر خواتین شہداء کو نذرانہ عقیدت پیش کرتے ہوئے ان تمام خواتین کا شکریہ ادا کرتا ہوں۔
