اسرائیل کی ایک عدالت نے خواتین کو جنسی طور پر ہراساں کرنے کے مقدمے میں ربی نتابل شریکی کو گرفتار کرنے کا حکم جاری کیا ہے۔
دو خواتین نے عدالت کو بتایا کہ ربی نے ان کے جسم کو نامناسب طریقے سے چھوا تھا۔
خواتین کا کہنا تھا کہ وہ ربی نتانل شریکی کے پاس مشورہ کرنے گئیں تو انہوں نے ان کے جسم کو نامناسب طریقے سے چھوا اور کہا کہ وہ باہر جا کر کسی کو اس کے متعلق نہ بتائیں ورنہ ان کے اپنے شوہر بھی ان کی باتوں پر یقین نہیں کریں گے۔
عدالت میں زیر سماعت مقدمے کی خبر شائع ہونے پر کچھ اور خواتین نے بھی اس طرح کے الزامات عائد کئے ہیں۔ پولیس کا کہنا ہے کہ متاثرہ خواتین تک رسائی کی کوششیں کر رہی ہے۔
دو ماہ قبل اسی طرح کے ایک اور کیس کی بھی پولیس نے تفتیش مکمل کر کے یہودیوں کے مذہبی پیشوا کو گرفتار کیا تھا جس میں کچھ طالب علموں نے ربی کے رویئے سے متعلق شکایات کی تھیں۔
