اسرائیل نے غزہ کے مغربی کنارے کے علاقوں پر قبضہ شروع کر دیا

اسرائیل نے غزہ کے مغربی کنارے کی وادی اردن کو جانے والے تمام راستوں کی ناکہ بندی شروع کر دی ہے۔ وادی کی طرف آنے والے تمام چھوٹے بڑے راستوں کو سیمنٹ کے بنے بڑے بلاکس سے بند کر دیا گیا ہے۔ اسرائیل نے مغربی کنارے کے جن مزید علاقوں میں یہودی بستیوں کا منصوبہ پیش کیا تھا اس پر عمل درآمد شروع ہو گیا ہے۔ اسرائیلی فوج اور سیکیورٹی فورسز نے علاقے کو گھیرے میں لے لیا ہے۔ المغیار ولیج کونسل کے سربراہ امین ابو ایلیا نے بتایا کہ ایلون روڈ کی طرف جانے والے راستے سیل کر دیئے گئے ہیں۔ راملہ کے مشرقی علاقے کُفر ملک کی طرف جانے والے راستے بھی بند ہیں۔ اس وقت وادی اردن میں 56 ہزار فلسطینی رہائش پذیر ہیں جنہیں علاقے سے نکالنے اور ان کے گھروں پر قبضے کیلئے اسرائیلی فوج نے کارروائی شروع کر دی ہے۔

Web Desk