پاکستان کے مشہور گلوکار علی ظفر نے اپنے مداحوں کو حیرت میں ڈال دیا جب ان کی کچھ تصاویر سوشل میڈیا پر وائرل ہو گئیں ۔ تصویروں میں علی ظفر نے غازیوں نما لباس زیب تن کیا ہوا ہے اور ہاتھ میں تلوار لیے ہوئے ہیں۔ گلوکار بلا شبہ پاکستان میں مقبولیت پانے والے ترک ڈرامہ ارطغرل غازی کے کردار لگ رہے ہیں۔
بعض لوگوں کا کہنا ہے کہ علی ظفر ارطغرل غازی کے پاکستانی ورژ ن پر کام کر رہے ہیں۔ تاہم اس بات کی تصدیق خود علی ظفر نے اپنے ٹویٹر اکاونٹ پر کی ہے کہ گلوکار ایک شارٹ فلم پر کام کر ہے ہیں جو ٹیکنو موبائل فون کمپنی کے بینر تلے تیار کی جا رہی ہے۔
ارطغرل غازی سیریز کی بات کی جائے تو اس سیریز نے پاکستان میں بہت تھوڑے عرصے میں بے پناہ مقبولیت حاصل کر لی ہے۔ اس وقت تک ڈرامہ کے اردو ڈب ورژن میں اقساط کو یو ٹیوب پر 60 ملین بار دیکھا جا چکا ہے۔ ڈرامے کی پاکستان میں پسندیدگی کے پیش نظر شائقین اس کے پاکستانی ورژن دیکھنے کے لیے بے تاب ہیں۔
