استنبول میراتھن اتوار کو ہو رہی ہے

استنبول کی 42 ویں ٹرانس کونٹی نینٹل میراتھن اتوار کو منعقد ہو گی جس میں 4000 اتھلیٹس حصہ لیں گے۔

کورونا وائرس کی عالمی وبا کے باعث محدود اتھلیٹس کو میراتھن میں شرکت کی اجازت دی گئی ہے۔

میراتھن یانی کاپی ایونٹ ایریا سے شروع ہو گی۔ دوڑ میں حصہ لینے والے کھلاڑی باسفورس ساحل سے گزریں گے۔ راستے میں کھلاڑی استنبول کے تاریخی مقامات بلیو مسجد اور آیا صوفیا کے سامنے بھی گزریں گے۔

یہ میراتھن جس مقام سے شروع ہو گی اسی مقام پر اختتام پذیر ہو گی۔ کھلاڑی مجموعی طور پر 42 کلومیٹر کا فاصلہ طے کریں گے۔ کورونا وائرس کی عالمی وبا کے باعث میراتھن میں تمام حفاظتی اقدامات مکمل کئے جا رہے ہیں۔ 42 کلومیٹر فاصلے کو مکمل طور پر صاف کیا جا رہا ہے۔ یہاں سپرے کا کام شروع ہو گیا ہے۔