زلزلے سے متاثرہ بچوں کے لیے تحفوں کی بارش

استنبول فٹ بال کلب بیسکتاس کے شائقین نے ترکیہ میں 6 فروری کو آنے والے تباہ کن زلزلے سے متاثرہ بچوں کے ساتھ اظہار یکجہتی کے لیے ہزاروں کھلونے گراؤنڈ میں رکھ دیے۔

ترک سپر لیگ کا میچ، جو 0-0 پر ختم ہوا، 4 منٹ اور 17 سیکنڈ کے بعد روک دیا گیا تاکہ شائقین کو تحائف میدان میں رکھنے کی اجازت دی جا سکے۔

بیسیکتاس کلب کا کہنا تھا کہ ہمارے مداحوں نے ووڈافون پارک کی زمین پر اسکارف، بیریٹ اور بہترین کھلونے رکھے جو زلزلہ زدہ علاقے کے بچوں کو تحفے کے طور پر دیے گئے تاکہ ان کی حوصلہ افزائی کی جا سکے۔

زلزلہ سب سے پہلے ترکیہ میں 6 فروری کو مقامی وقت کے مطابق صبح 4 بج کر 17 منٹ پر آیا۔

ترکیہ اور ہمسایہ ملک شام میں زلزلے سے مرنے والوں کی تعداد 50 ہزار سے تجاوز کر گئی ہے۔