پیرو میں مونکی پاکس کی وجہ سے پہلی ہلاکت

جنوبی امریکہ کے ملک پیرو میں مونکی پاکس وائرس کی وجہ سے پہلی موت ریکارڈ کی گئی ہے۔پیرو وزارت صحت کے جاری کردہ بیان کے مطابق ملک میں مونکی پاکس کیسوں کی تعداد 300 سے تجاوز کر چکی ہے اور وائرس کی وجہ سے پہلی موت ریکارڈ کی گئی ہے۔لاطینی امریکہ کے ممالک میں برازیل کے بعد پیرو  دوسرا ملک ہے جہاں مونکی پاکس وائرس کی وجہ سے موت واقع ہوئی ہے۔

واضح رہے کہ عالمی ادارہ صحت نے 23 جولائی کو  جاری کردہ بیان میں، یورپ سمیت دنیا بھر میں تیزی سے پھیلتے  مونکی پاکس وائرس کی وجہ سے،  بین الاقوامی عوامی صحت کے لئے  ہنگامی حالات کا اعلان کیا تھا۔

عالمی ادارہ صحت نے 27 جولائی کے بیان میں 78 ممالک میں 18 ہزار سے زائد مونکی پاکس کیسوں کی تصدیق کی اور ان کیسوں میں سے 70 فیصد کے یورپ اور 25 فیصد کے برّاعظم امریکہ سے متعلق ہونے کا بھی اعلان کیا تھا۔

Read Previous

ترک خاتون تیراک انگلش چینل عبور کرنے والی سب سے کم عمر تیراک بن گئی

Read Next

پوری دنیا اناج بحران سے نمٹنے میں ترکیہ کی کاوشوں کا اعتراف کر رہی ہے، صدر ایردوان

Leave a Reply