turky-urdu-logo

روس اور ترکی میں کورونا ویکسین کی مشترکہ تیاری کا معاہدہ

روس کی سرکاری فارماسیوٹیکل کمپنی سپوتنک اور ترکی کی وِس کوران کمپنی کے درمیان کورونا ویکسین کی مشترکہ پیداوار کا معاہدہ طے پا گیا ہے۔ ترک فارماسیوٹیکل کمپنی کے چیف ایگزیکٹو آفیسر اوزترک اوران نے کہا کہ روس کی سپوتنک کمپنی کے ساتھ معاہدہ طے پا گیا ہے جس کے تحت سپوتنک کی تیار کردہ کورونا ویکسین ترکی میں تیار کی جائے گی تاہم اس کے لئے قانونی ضابطوں اور ٹیکنالوجی کی منتقلی کا انتظار کیا جا رہا ہے۔ انہوں نے کہا کہ جب تک کورونا ویکسین کی تیاری کا لائسنس جاری نہیں ہو جاتا اس وقت ویکسین کی پیداوار شروع نہیں کی جا سکتی۔

اوزترک اوران نے کہا کہ روس کی سپوتنک فارماسیوٹیکل کے ساتھ ٹیکنالوجی کی منتقلی کا معاہدہ ہو چکا ہے تاہم دونوں ملکوں کی وزارت صحت اور دیگر محکموں سے کاغذی کارروائی مکمل ہونے تک پیداوار کا مرحلہ شروع نہیں ہو سکتا۔

انہوں نے کہا کہ معاہدے کے تحت ترک کمپنی روس کی سپوتنک فارماسیوٹیکل کی کورونا ویکسین کی تیاری میں پارٹنر بن گئی ہے۔

روس کی سپوٹنک فارماسیوٹیکل کی تیار کردہ ویکسین دنیا کے مختلف ممالک میں استعمال ہو رہی ہے۔

Read Previous

مدینة المنورہ صحت کے اعتبار سے دنیا کا صاف ترین شہر، عالمی ادارہ صحت

Read Next

ترکی اور بھارت کو ایک طرح کے چیلنجز کا سامنا ہے، بھارتی سفیر

Leave a Reply