جدہ میں سعودی عرب کی بندرگاہ کے ایک تیل کے ٹینکر میں دھماکے سے آگ لگ گئی۔ سنگارپور کا بی ڈبلیو رہائن بحری جہاز جدہ کے ساحل پر لنگر انداز تھا جب اس پر حملہ ہوا جس سے بحری جہاز میں آگ لگ گئی۔ خوش قسمتی سے جہاز کا 22 رکنی عملہ محفوظ رہا تاہم ابھی تک یہ معلوم نہیں ہو سکا کہ جہاز پر حملے کی نوعیت کیا تھی۔
کمپنی کا کہنا ہے کہ دھماکے کے بعد آگ لگنے سے بحری جہاز سے تیل کا رساوٗ شروع ہو گیا ہے۔
ابھی تک سعودی عرب نے ممکنہ طور پر حوثی باغیوں کی طرف سے حملے کے متعلق کوئی بیان جاری نہیں کیا ہے۔
