صدر رجب طیب ایردوان نے ہاک بینک کی طرف سے تاجروں اور ہنرمند افراد کو جاری کئے جانے والے قرضوں کی واپسی میں چھ ماہ کی چھوٹ دے دی ہے۔
وہ استنبول میں جسٹس اینڈ ڈیولپمنٹ پارٹی کے صدر دفتر سے ویڈیو لنک کے ذریعے دینیزل، مرسین اور اوشاک کے عہدیداروں اور پارٹی ورکرز سے خطاب کر رہے تھے۔
صدر ایردوان نے کہا کہ ہاک بینک نے جن تاجروں اور ہنرمند افراد کو قرضے جاری کئے تھے ان کی واپسی میں یکم جنوری سے 30 جون 2021 تک چھوٹ دی دے گئی ہے تاکہ تاجروں کو کیش کی قلت کا سامنا نہ کرنا پڑے اور وہ بہتر انداز میں اپنے کاروبار کو مزید وسعت دیں۔
صدر ایردوان نے کہا کہ وہ باقاعدگی سے پارٹی کے عہدیداروں سے رابطے میں رہتے ہیں کیونکہ دو سال بعد دوبارہ عام انتخابات ہونے ہیں اور ہمیں پوری تیاری کے ساتھ ان انتخابات میں حصہ لینا ہے۔
Tags: صدر رجب طیب ایردوان