ترکی کے فٹ بال کلب بیسیکتاس کے مینیجر ایریجن یلسین کا رواں ماہ کے شروع میں کورونا وائرس کا ٹیسٹ مثبت آیا تھا جو اب دوبارہ ٹیسٹ ہونے پر منفی ثابت ہوگیا ہے۔
بیسیکتاس کلب نے اپنے ایک بیان میں کہا کہ 47 سالہ یلکن کا پہلے کورونا وائرس ٹیسٹ مثبت آیا تھا جو کہ اب دوسرے دفعہ میں منفی آگیا ہے۔
12 ستمبر کو یلسین کا کورونا وائرس کا ٹیسٹ ہوا تھا مگر اس وقت ان میں کوئی بھی علامت سامنے نہیں آئی تھی۔
کورونا وائرس کا ٹیسٹ مثبت آنے کے بعد انہوں نے سب سے الگ رہنا شروع کردیا تھا ۔
ترکی کے فٹ بال کے ایک لیجینڈ یلسین بیسیکتاس کے ایک آئکن کھلاڑی تھے جنہوں نے 282 میچیز میں حصہ لیا اور استنبول پاور ہاوس کے لیے 75 گول کیے۔
بیسیکتاس کلب کے علاوہ انہوں نے استنبول کے دوسرے کلب گالسترائے اور فینز باحس اور بحیرہ اسود کے کلب ٹربازن پور کے ساتھ بھی کھیلا ہے۔
