ترکی کے شہر سیہان میں محمد علی اوزشا لال بیس بال کے بلے تیار کرتے ہیں۔ ان کا کہنا ہے کہ وہ دن میں پانچ سے چھ بلے فروخت کر تے ہیں۔ ایک بلے کی قیمت 20 سے 30 ٹرکش لیرا ہے۔
ترکی میں بیس بال کی نہ کوئی گراوؐنڈ ہے اور نہ ہی یہ کھیل ترکی میں کھیلا جاتا ہے۔ محمد علی کے مطابق یہ بلے لوگ سیلف ڈیفنس یعنی اپنے بچاوؐ کے لئے خرید کر اپنی گاڑی یا اپنے گھروں میں رکھتے ہیں۔
اکثر پولیس معمول کی چیکنگ کے دوران گاڑیوں سے بیس بال کے یہ بلے اپنی تحویل میں لے لیتی ہے کیونکہ اکثر سڑکوں پر معمولی جھگڑے کے دوران لوگ ان بلوں کا استعمال کرتے ہیں جس سے مخالف شدید زخمی ہو جاتے ہیں اور بعض واقعات میں لوگوں کا جانی نقصان بھی ہوا ہے۔
