باکو: اسلامی جمہوریہ پاکستان سے آذربائیجان کو درآمد کیے جانے والے چاول پر 15 فیصد درآمدی کسٹم ڈیوٹی سے مستثنیٰ کر دی گئی ہے۔
آذربائیجان کے پاکستان میں سفیر خضر فرحادوف کا کہنا تھا کہ وزراء کی کابینہ نے اس سلسلے میں متعلقہ فیصلہ منظور کر لیا ہے ۔
اسلامی جمہوریہ پاکستان سے ایک ہی نسل کے چاول پر 31 دسمبر 2027 تک درآمدی کسٹم ڈیوٹی ختم کرنے کا فیصلہ کیا گیا ہے۔
پاکستان اور آذربائیجان دونوں کے درمیان بہترین برادرانہ تعلقات ہیں۔
دونوں ممالک مختلف علاقائی اور بین الاقوامی فورمز پر ایک دوسرے کی حمایت کرتے ہیں۔
آذربائیجانی سفیر خضر فرہادوف نے اپنی ٹویٹ میں اس فیصلے کو انتہائی اہم قرار دیا۔
انہوں نے کہا کہ اس سے دونوں ممالک کے درمیان تجارتی اور اقتصادی سرگرمیوں کو خاطر خواہ فروغ ملے گا۔
Tags: آذربائیجان پاکستان
