شمال مغرب ترکی میں آژار قدیمہ کے ماہرین نے 8،500 سال پُرانا انسانی کنکال دریافت کرلیا۔
انسانی کنکال مغرب اناطولیا کی ایک عمارت کے صحن سے نکالا گیا ہے ۔ ماہرین کا کہنا ہے کہ انسانی کنکال کے یہاں موجود ہونے کی خبر اس عمارت میں رہنے والے ایک رہائیشی نے دی تھی۔رہائیشی کا کہنا تھا کہ اُنہیں کافی عرصے سے صحن میں عجیب سی بدبومحسوس ہو رہی تھی۔
ترکی کے سائنس اور ٹیکانولوجی ریسرچ کونسل ٹوبیٹیک کا کہنا ہے کہ 9،000 سال پہلے یہاں پر لوگ رہتے تھے اور اس عرصے کے 500 سال بعد لوگوں نے یہاں دوبارہ رہائیش کی۔
ماہرین کا مزید کہنا تھا کہ یہاں سے پہلے بھی قدیم زمانے کے ہڈیوں سے بنے اوزار اور پتھر دریافت ہوئے ہیں۔
بلچک کے گورنر نے میڈیا کو بتاتے ہوئے کہا کہ شہر کا یہ حصہ قدیم خوبصورتی اور صاف ماحول کی نعمت سے مالا مال ہے۔ اُنکا مزید کہنا تھا کہ یہ انسانی کنکال اب تک کی ملی ہوئی چیزوں میں سے سب سے قدیم ہے۔
